Lıvan men Izraıl arasyndaǵy atysty toqtatý kelisimi kúshine endi

<p>ASTANA. KAZINFORM &mdash; Lıvan men Izraıl arasyndaǵy atysty toqtatý kelisimi AQSh-Frantsııa bastamasyna sáıkes jergilikti ýaqyt boıynsha saǵat 04:00&ndash;de endi, dep habarlaıdy <a href="https://tass.ru/mezhdunarodnaya-panorama/22506283" target="_blank" rel="noopener">TASS</a> aqparat agenttigi.&nbsp;</p>

Al Nahar gazetiniń habarlaýynsha, qujat BUU-nyń Lıvandaǵy ýaqytsha kúshteriniń qoldaýymen ońtústik shekara boıynsha Lıvan armııasynyń bólimderin kezeń-kezeńimen ornalastyrýdy qarastyrady. Óz kezeginde Izraıl Ońtústik Lıvannan áskerlerin birtindep (60 kúnge deıingi merzimde) shyǵarady.

Respýblıka premer-mınıstri Nadjıb Mıkatı qol jetkizilgen atysty toqtatý kelisimine qanaǵattanatynyn bildirdi. Onyń aıtýynsha, bul kelisim Lıvan-Izraıl shekarasyndaǵy turaqtylyqty qaıtarady. Ol úkimettiń BUU Qaýipsizdik Keńesiniń 1701 rezolıýtsııasyn oryndaýǵa degen umtylysyn jáne Birikken Ulttar uıymy ýaqytsha kúshtermen yntymaqtastyqta Lıvan armııasynyń eldiń ońtústiginde bolýyn kúsheıtý nıetin rastady.

Basylymnyń habarlaýynsha, Lıvan bıligi el aýmaǵyndaǵy zańsyz qarýly toptardyń áreketine jáne olarǵa kontrabanda arqyly qarý-jaraq jetkizilýine jol bermeýge mindetteme alady. Qarý men oq-dári shyǵarýmen aınalysatyn barlyq zańsyz nysandar joıylyp, qarý-jaraq qory tárkilenedi.

Buǵan deıin Hýsıtter Iemen úkimetimen tutqyndardy almasýǵa daıyn ekeni habarlandy.