Lıvan Izraılmen beıbit qarym-qatynasta bolǵysy keledi

<p>ASTANA. KAZINFORM &ndash; Lıvannyń syrtqy ister mınıstri Abdýlla Bý Habıb Izraıldiń syrtqy ister mınıstri Israel Katsqa arnaıy úndeý joldady. Onda mınıstr eki el arasynda nelikten soǵys bolǵanyn qalamaıtynyn túsindirgen, dep jazady <a href="https://www.jpost.com/middle-east/article-808731" target="_blank" rel="noopener">The Jerusalem Post</a> basylymy.</p>

«Seısenbi kúni Izraıl mınıstrimen sóılesip, Ázerbaıjan syrtqy ister mınıstri Djeıhýn Baıramov arqyly sálemin joldaǵan Bý Habıb «Biz beıbit qarym-qatynasty qalaımyz, bizge soǵystyń keregi joq»,-dep málimdedi.

The Jerusalem Post basylymy bul týraly Katsqa silteme jasap habarlady.

Lıvan men Izraıl arasynda dıplomatııalyq qarym-qatynas joq, sol sebepti olar úshinshi jaqtyń kómegimen qatynasady.

Lıvan syrtqy ister mınıstri úndeýin Izraıl men Lıvandaǵy «Hezbolla» qozǵalysynyń arasy shıelenisip turǵan sátte joldady.

Sońǵy aptalarda Izraıl men «Hezbolla» arasyndaǵy soǵys áreketteri aıtarlyqtaı údeı túsken.

Birqatar memleket óz azamattaryn Lıvannan ketýge shaqyrdy. AQSh bolsa jaǵdaı kúrdelene tússe, bul elden óz azamattaryn evakýatsııalaýǵa daıyn ekenin málimdedi.