Lıtvada júk tasıtyn ushaq turǵyn úıdiń ústine qulady

<p>ASTANA. KAZINFORM &ndash; Lıtva astanasy Vılnıýste júk tasıtyn ushaq eki qabatty turǵyn úıdiń ústine qulady. Apat saldarynan bir adam qaza taýyp, taǵy bir adam aýrýhanaǵa jetkizildi. Bul týraly <a href="https://www.delfi.lt/news/daily/crime/vilniuje-salia-namo-nukrito-krovininis-dhl-lektuvas-zuvo-ispanijos-pilietis-120067159" target="_blank" rel="noopener">Delphi</a> basylymy habarlady.</p>

Aldyn ala málimet boıynsha, DHL kompanııasyna tıesili ushaqta tórt adam – eki ushqysh jáne eki jolaýshy otyrǵan. Al oqys oqıǵa jergilikti ýaqyt boıynsha 5:31-de bolǵan.

Apatty jaǵdaıdyń sebebi áli anyqtalǵan joq. Tek bir ushqyshtyń aman qalǵany, ol kabınadan shyǵarylyp, medıtsına qyzmetkerlerine tapsyrylǵany habarlandy.

LRT telearnasynyń málimetinshe, ushaq Leıptsıgten kóterilip, Vılnıýs áýejaıynyń mańynda qulaǵan. Alaıda oqıǵa áýejaıdyń jumysyna áser etken joq. Ázirge ushaqta qandaı júk bolǵany belgisiz.

– Atalǵan apatty jaǵdaı boıynsha tergeý jumystary júrip jatyr. Oqıǵanyń mán-jaıy jaqyn arada anyqtalady, - delingen habarlamada.

Aıta keteıik, buǵan deıin Brazılııada avtobýs apatqa ushyrap, kem degende 17 adam qaza tapqanyn jazǵan edik.