Lıtvada toǵyzqumalaq oıynynyń oqý quraly jaryq kórdi
«Qazaqstannyń Lıtvadaǵy Elshiligi Dúnıejúzilik toǵyzqumalaq federatsııasymen birlesip, «ŽARA» baspasynda basylǵan toǵyzqumalaq týraly lıtva tilindegi alǵashqy ádistemelik quraldy usyndy. Oqý quraly men oıynnyń tusaýkeseri Vılnıýstegi «Mektep 2019» IX bilim berý jáne ınnovatsııalyq kórmesiniń aıasynda ótti», - dedi QR Syrtqy ister mınıstrliginen.
Qazaqstan Respýblıkasynyń Lıtvadaǵy Elshisi Vıktor Temirbaev atap ótkendeı, bul zııatkerlik oıyn Baltyq jaǵalaýynda tanymal bola bastady. Ony QR elshiligi 2018 jyly Dúnıejúzilik Toǵyzqumalaq federatsııasymen birge Latvııada engizdi. Al 2019 jyly Latvııa oıynshylary Ystanbulda ótken Toǵyzqumalaqtan álem chempıonatyna qatysty.
Qazaqtyń ulttyq oıynymen tanysý Lıtvada 2019 jyly ótti jáne kóktemde Lıtva mektepteriniń oqýshylary arasynda toǵyzqumalaqtan alǵashqy jarys ótti.
Qazaqstandyq dıplomattyń aıtýynsha, oqý quralynyń elektrondyq nusqasy Elshiliktiń saıtynda qoljetimdi.
«Lıtva tilindegi nusqaýlyq 2020 jyly atap ótiletin qazaqtyń uly oıshyly Abaıdyń 175 jyldyq mereıtoıy aıasynda shyǵaryldy. Abaıdyń osy strategııalyq oıynnyń sheberi sanalǵany belgili. Kelesi jyldyń qańtarynda elshilik Abaıdyń 175 jyldyǵyna arnap Vılnıýsta toǵyzqumalaqtan kezekti jarysty ótkizýdi josparlap otyr», - delingen SІM aqparatynda.