Lıtvada prezıdent saılaýyndaǵy daýys sanalyp jatyr

<p>ASTANA. KAZINFORM &ndash; Lıtvada jeksenbi kúni ótken prezıdent saılaýyndaǵy daýys sanalyp jatyr. Memleket basshysy laýazymyna segiz kandıdat talasyp otyr. Ázirge saýalnama qorytyndysy boıynsha qazirgi prezıdent Gıtanas Naýseda alda keledi. Ol 2019 jyldan beri bılikte, dep jazady <a href="https://ru.euronews.com/my-europe/2024/05/12/lithuania-presidential-elex" target="_blank" rel="noopener">Euronews.</a></p>

Naýsedanyń básekelesteri arasynda konservatorlar usynǵan premer-mınıstr Ingrıda Shımonıte men táýelsiz kandıdat zańger Ignas Vegele bar.

Saılaý naýqanynda Ýkraınadaǵy soǵys pen Lıtvanyń ulttyq qaýipsizdigi basty nazarda boldy.

Jeńiske jetý úshin kandıdat 50 paıyzdan astam daýys jınaýy kerek. Úmitkerlerdiń eshqaısysy muny oryndaı almasa, elde eki aptadan keıin daýys berýdiń ekinshi kezeńi ótedi.

Birinshi týrdyń aldyn ala qorytyndysy tún ortasynan keıin belgili bolady. Saılaýǵa saılaýshylardyń 59 paıyzdan astamy qatysty.

Lıtva prezıdenti tikeleı jasyryn daýys berý arqyly bes jyl merzimge saılanady. Úmitkerlerdiń jas shegi – 40 jas. Ótinish berýshi shyqqan tegi boıynsha Lıtva azamaty bolýy jáne elde keminde sońǵy úsh jyl turýy shart.