Lıtvada parlamenttik saılaýda merziminen buryn daýys berý bastaldy

<p>ASTANA. KAZINFORM - Seısenbi kúni Lıtvada úsh kúnge sozylatyn parlamenttik saılaýda merziminen buryn daýys berý bastaldy, dep habarlaıdy <a href="https://russian.news.cn/20241009/6a419a841b5f4e2c9079ac4a88851d71/c.html" target="_blank" rel="noopener">Sınhýa</a> aqparat agenttigi.</p>

Lıtva Ortalyq saılaý komıssııasynyń málimetinshe, barlyq 60 mýnıtsıpalıtettegi saılaý ýchaskeleri seısenbiden beısenbige deıin saǵat 07:00-den 20:00 aralyǵynda jumys isteıdi.

Baltic News Service (BNS) habarlaýynsha, keıbir saılaýshylar saılaýdan keıin «adal, taza, jaýapty jáne turaqty jumys» kútetinin aıtsa, keıbireýleri radıkaldy partııalardan góri «klassıkalyq partııany» tańdaǵandaryn aıtqan.

Negizgi saılaý jeksenbi kúni ótedi, parlamenttegi (Seım) oryndar úshin 14 saıası partııa men bir koalıtsııa kúresedi. Saılaýǵa barlyǵy 1740 kandıdat qatysady.