Lıtvada Qazaqstan Prezıdenti reformalarynyń úshinshi paketi talqylandy

VILЬNıÝS. QazAqparat – Qazaqstan Elshisi Vıktor Temirbaev Lıtva Seıminde parlamentaralyq dostyq tobymen QR Parlamenti Májilisi saılaýynyń qorytyndylaryn jáne Prezıdent Qasym-Jomart Toqaev usynǵan reformalardyń úshinshi paketin talqylaýǵa arnalǵan onlaın kezdesý ótkizdi, dep habarlaıdy QR SІM baspasóz qyzmeti.

Dostyq tobynyń quramyndaǵy onlaın kezdesýge onyń tóraǵasy – Seımniń depýtaty Edmýndas Pýpınıs, Seıminiń vıtse-spıkerleri ıÝlıýs Sabataýskas jáne Ionas ıArýtıs, EKPA vıtse-spıkeri Laıma Andrıkene, Lıtvanyń burynǵy premer-mınıstri Algırdas Býtkıavıchýs jáne basqa da depýtattar qosyldy.

Ótken saılaýdy qorytyndylaı kele, otandyq dıplomat depýtattardyń nazaryn eldiń odan ári saıası jańǵyrýy aıasynda júzege asyrylatyn «halyq únine qulaq asatyn memleket» tujyrymdamasynyń arqasynda múmkin bolǵan jańa saıası shyndyqtarda ótkenin atap ótti.

Osy turǵyda Elshi kezdesýge qatysýshylardy Qazaqstanda kezeń-kezeńimen júrgizilgen demokratııalyq reformalar, onyń ishinde kóppartııalyqty damytý, el saıasatyndaǵy áıelder men jastardyń ókildigin ulǵaıtý, parlamenttik oppozıtsııa ınstıtýtyn engizý jáne t. b. sharalar týraly habardar etti.

Sonymen qatar, V.Temirbaev Prezıdenttiń jańa bastamalary (úshinshi paket) Qazaqstannyń saıası júıesin odan ári ınstıtýtsıonaldyq damytý jáne adam quqyqtaryn qorǵaý júıesin jetildirý turǵysynan úlken mánge ıe ekendigine nazar aýdardy.

Óz kezeginde Lıtva depýtattary Qazaqstandy odan ári demokratııalandyrý jónindegi reformalardyń barysyn joǵary baǵalady. QR adam quqyqtary jónindegi Ombýdsmen ınstıtýtynyń damýyna, sondaı-aq SOVID-19 pandemııasy kezeńinde QR azamattaryn áleýmettik qamtamasyz etý jónindegi sharalarǵa qyzyǵýshylyq tanytty.

Eki jaqty jáne jahandyq kún tártibiniń ózekti máselelerin talqylaı otyryp, lıtvalyq depýtattar Qazaqstan men Lıtva arasyndaǵy senimdi áriptestikti qoldaý, sondaı-aq saýda-ekonomıkalyq, mádenı jáne basqa da salalardaǵy yntymaqtastyqty nyǵaıtý baǵytyn rastady.