Lıtva turýǵa yqtııarhat berý erejelerin kúsheıtti

<p>ASTANA. KAZINFORM &ndash; Lıtva bıligi elden tys jumys isteıtin syrtqy qyzmet kórsetýshilerge júginetin sheteldikter úshin turýǵa yqtııarhat &nbsp;alýǵa ótinishterdi qabyldaý erejelerin kúsheıtti. Bul týraly Kóshi-qon departamentiniń dırektory Evelına Gýdzınskaıte málimdedi, dep habarlaıdy <a href="https://tass.ru/mezhdunarodnaya-panorama/22539833" target="_blank" rel="noopener">TASS</a> aqparat agenttigi.</p>

«Syrtqy qyzmet kórsetýshiler tek ózderi jumys isteıtin eldiń azamattarynyń ótinishterin qabyldaı alady. Bul protsedýra 30 qarashadan bastap kúshine enedi», - dedi ol LRT ulttyq radıosynyń efırinde. 

Dırektordyń túsindirýinshe, sheshim kóshi-qon salasyndaǵy aǵymdaǵy úrdister, ulttyq qaýipsizdikke tónýi múmkin qaterler, sondaı-aq qyzmet kórsetetin ókildiń ákimshilik múmkindikterin eskere otyryp qabyldanǵan.

2024 jyly Lıtva syrtqy qyzmet kórsetý ortalyqtarynyń sanyn qysqartty. Olar Iordanııa, Lıvan, Nepal jáne Shrı-Lankada jabyldy. 

Qazirgi ýaqytta ártúrli elderde Vılnıýste akkredıttelgen osyndaı 30 ortalyq jumys istep jatyr.