Lıtsenzııalyq týrnırde búgin qazaqstandyq úsh boksshy rıngke shyǵady

<p>ASTANA. KAZINFORM — Taıland astanasy Bangkok qalasynda ótip jatqan bokstan Olımpıadaǵa irikteý týrnırin 29 mamyrda qazaqstandyq úsh boksshy sharshy alańǵa shyǵady.</p>

El quramasynan rıngke birinshi bolyp Natalıa Bogdanova (66 keli) jekpe-jekke shyǵady.

Ol alǵashqy jekpe-jeginde saǵat 11:45–te serbııalyq Krıstına Kýlýhovamen sheberlik baıqasady. 

Al 16:45–te Rımma Volosenko (60 keli) úndistandyq Ankýshıta Boroen kezdesedi.

Ol budan buryn germanııalyq Felısıtas Marııa Ganglbaıerden basym túsken edi.

Al Muhammedsabyr Bazarbaıuly (63.5 keli) ıtalııalyq Djanlýıldjı Malangamen rıngke shyǵady.

Qazirge deıin Muhammedsabyr eki jekpe-jeginde fılıppındik Krıstıan Pıtt Lorentti, túrkııalyq Mızan Aıkoldy tize búktirdi.

Sondaı-aq, lıtsenzııalyq týrnırdegi alǵashqy jekpe-jekterinde Nazym Qyzaıbaı (50 keli), Valentına Halzova (75 keli) jeńiske jetti. 

Al Uljan Sársenbek (54 keli) AQSh sportshysy Shera Meı Patrıtsıoǵa ese jiberdi.