Lıtsenzııalyq týrnırde boksshy Natalıa Bogdanova jeńilip qaldy

<p>ASTANA. KAZINFORM - Taıland astanasy Bangkok qalasynda ótip jatqan bokstan Olımpıadaǵa irikteý týrnırinde búgin, 29 mamyrda qazaqstandyq Natalıa Bogdanova (66 keli) jarys jolynan shyǵyp qaldy.</p>

Qazaqstandyq boksshy týrnırdegi alǵashqy jekpe-jeginde serbııalyq Krıstına Kýlýhovamen kezdesken edi.

Tartysty ótken básekede tóreshiler sheshimi boıynsha 3:2 esebimen serbııalyq boksshy jarysty jalǵastyrýǵa múmkindik aldy.

Foto: Qazaqstan boks federatsııasy

Endi el quramasynan Rımma Volosenko (60 keli) úndistandyq Ankýshıta Boroen kezdesse, Muhammedsabyr Bazarbaıuly (63.5 keli) ıtalııalyq Djanlýıldjı Malangamen rıngke shyǵady.

Sondaı-aq, lıtsenzııalyq týrnırdegi alǵashqy jekpe-jekterinde Nazym Qyzaıbaı (50 keli), Valentına Halzova (75 keli) jeńiske jetti. 

Foto: Qazaqstan boks federatsııasy

Al Uljan Sársenbek (54 keli) AQSh sportshysy Shera Meı Patrıtsıoǵa ese jiberdi.

Elimizdiń erler quramasy buǵan deıin Olımpıadanyń 6 joldamasyn jeńip aldy.

Atap aıtqanda, Sáken Bıbosynov (51 keli), Mahmud Sabyrhan (57 keli), Aslanbek Shymbergenov (71 keli), Nurbek Oralbaı (80 keli), Aıbek Oralbaı (92 keli) jáne Qamshybek Qońqabaev (92 keliden joǵary) bar. 

Áıelder quramasynda byltyr qazan aıynda Qytaıda ótken Azıadada Karına Ibragımova Olımpıada oıyndaryna bokstan alǵashqy joldamaǵa ıe boldy.