Lıtsenzııalyq týrnır: ıÝsýf Matsıev joldamadan tys qaldy

<p>ASTANA. KAZINFORM &ndash; Túrkııanyń Stambýl qalasynda kúres túrlerinen ótip jatqan álemdik irikteý týrnırinde grek-rım kúresinen 97 keli salmaqta ıÝsýf Matsıev joldamadan tys qaldy.Otandasymyz lıtsenzııalyq týrnırdiń irikteýinde germanııalyq balýan Lýkas Lazogıanısten utylyp qaldy.</p>

Osylaısha, grek-rım kúresinen Ulttyq qurama 97 kelige deıingi salmaqta Parıj Olımpıadasyna joldama ala almady.

Sondaı-aq, búgin 67 kelidegi Dinmuhammed Qoshqar alǵashqy beldesýinde Azııa chempıonatynyń kúmis júldegeri Mahmýd Bakshıllovty (Ózbekstan) taza jeńdi. Endi jerlesimiz 1/8 fınalda 2018 jylǵy Eýropa chempıony Mıhaı Mıhýtspen (Rýmynııa) beldesedi.

Aıta keteıik, búgingi tańda Qazaqstan balýandarynyń enshisinde jalpy esebi jeti joldama bar. Onyń tórteýin grek-rım kúresiniń ókilderi ıelense, úsheýi – erkin kúres sheberlerinde. Al burymdy balýandarymyz áli birde-bir joldamaǵa qol jetkize alǵan joq.

Atalǵan týrnırde 54 olımpıada joldamasy sarapqa salynady. Qazaqstan balýandary onyń ishinde 11 lıtsenzııaǵa talasady.
Stambýl qalasynda ótip jatqan álemdik týrnırde ár salmaqtan úsh balýan joldamaǵa ıe bolady.