Lıtsenzııalyq týrnır: S.Bıbosynovtyń basty qarsylastarynyń biri jarystan shyǵyp qaldy

<p>ASTANA. KAZINFORM &ndash; Bokstan Italııanyń Býsto-Arsıtsıo qalasynda ótip jatqan lıtsenzııalyq týrnırde Qazaqstan boksshy Sáken Bıbosynovtyń basty qarsylastarynyń biri jarysty erte aıaqtady.</p>

Naqtyraq aıtsaq, úndistandyq Dıpak Dıpak alǵashqy kezdesýde 2:3 esebimen jastar arasyndaǵy eki dúrkin Eýropa chempıony, ázerbaıjandyq Nıdjat Gýseınovten jeńilip, jarystan shyǵyp qaldy. Dıpak ótken jyly Tashkenttegi álem chempıonatynda Sáken Bıbosynovtan basym túsken bolatyn.

Aıta keteıik, Bıbosynov atalǵan týrnırde alǵashqy aıqasyn ótkizip, qarsylasyn aıqyn basymdylyqpen utqan bolatyn. Ol birinshi jekpe-jeginde gonkongtyq Kannet Chýn Hım Tanmen qolǵap túıistirip, qarsylasyn úshinshi raýndta tehnıkalyq nokaýtpen tize búktirdi.

Endi Sáken Olımpıada joldamasyna ıe bolý úshin kem degende jartylaı fınalǵa deıin jetýi tıis.

Búgin bokstan ulttyq quramanyń bas bapkeri Myrzaǵalı Aıtjanov jartylaı fınalǵa jetken tórt boksshy Parıj olımpıadasyna joldamaǵa qol jetkizetinin, ary qaraı jartylaı fınaldyq jáne fınaldyq básekeler ótpeıtinin málim etken bolatyn.