Lıtsenzııalyq týrnır: Nurbek Oralbaı shırek fınalǵa shyqty

<p>ASTANA. KAZINFORM - Qazaqstandyq boksshy Nurbek Oralbaı Býsto-Arsıtsıodaǵy lıtsenzııalyq týrnırdegi qarsylasy Alekseı Alferovti jeńip, shırek fınalǵa shyqty.&nbsp;</p>

80 keli salmaqta óner kórsetken otandasymyz alǵashqy raýndta qarsylasynan jeńilgen. Alaıda qalǵan eki raýndta Nurbektiń mereıi ústem boldy.

Jekpe-jek qorytyndysy boıynsha ol 3:2 esebimen jeńiske jetti. Osylaısha N.Oralbaıdyń Olımpıada joldamasyn alýǵa múmkindigi arta tústi. 

Aıta ketsek, buǵan deıin lıtsenzııalyq týrnırde búgin sharshy alańǵa kimder shyǵatynyn jazǵan bolatynbyz. Italııadaǵy boks básekesinde qazaqstandyqtar arasynan birinshi bolyp sharshy alańǵa shyqqan Alýa Balqybekova kelesi kezeńge ótti. Otandasymyz Cáken Bıbosynov ta Bahreın atynan synǵa túsken qazaq boksshysyn jeńip, joldamaǵa talasýǵa múmkindik aldy.