Lıtsenzııalyq týrnır: Muhamedsabyr alǵashqy jeńisine qol jetkizdi

<p>ASTANA. KAZINFORM - Taılandynyń Bangkok qalasynda ótetin bokstan Olımpıadaǵa irikteý týrnıriniń ekinshi jarys kúninde, 26 mamyrda Muhamedsabyr Bazarbaıuly (63.5 keli) qarsylasyn jeńdi.</p>

Qazaqstandyq bylǵary qolǵap sheberi 1/32 fınalda fılıppındik Krıstıan Pıtt Lorentpen kezdesti.

Krıstıan Pıtt Lorent 2018 jyly jastar arasyndaǵy álem chempıonatynda qola júldeger atanǵan. Sondaı-aq, kóptegen týrnırlerde jeńimpaz boldy. Kásipqoı boksta da synǵa túsip júr.
Jekpe-jek barysynda ol qarsylasynan basymdyǵyn baıqatty. Nátıjesinde tóreshiler biraýyzdan qazaqstandyq boksshynyń jeńisine qoldaý bildirdi.

Muhamedsabyr Taılandta ótetin týrnırge Astanadaǵy irikteý jarysynda joldamany jeńip aldy. Jarys barysynda ol Ertýǵan Zeınýlınov, Jandos Qydyralıev jáne Dýlat Bekbaýov sekildi qarsylastaryn qapy qaldyrdy.

Aıta ketsek, 25 mamyrda Nazym Qyzaıbaı (50 keli) Nıkol Dýrıkovany jeńip, jarystyń kelesi satysyna shyqty.

Sondaı-aq, áıelder quramasynda Uljan Sársenbek (54 keli), Rımma Volosenko (60 keli), Natalıa Bogdanova (66 keli) men Valentına Halzova (75 keli) el namysyn qorǵaıdy.