Lıtsenzııalyq týrnır: Mahmýd Sabyrhan shırek fınalǵa joldama aldy
Qazaqstandyq boksshy 1/8 fınalda Pýerto-Rıkodan kelgen Hose Kaleb Pagan Tıradomen qolǵap túıistirdi.
Birinshi raýndta Mahmýd jınaqy qımyldap, qarsylasyna soqqy daryta bildi.
Nátıjesinde tórt tóreshi Mahmýdtyń basym túskenine qoldaý bildirse, bireýi qarsylasynyń jeńgenin aıtty.
Ekinshi raýndta tóreshiler 3:2 esebimen qarsylasynyń jeńgenine sheshim shyǵardy.
Úshinshi kezeńde Mahmýdtyń shapshańdyǵy baıqaldy. Qarsylasyna kóp soqqy jasap úlgerdi.
Osylaısha jalpy nátıjede qazaqstandyq boksshy qarsylasyn tize búktirip, shırek fınalǵa joldama aldy.
Endi ol aldaǵy jekpe-jeginde jeńiske jetse, Parıj Olımpıadasy joldamasyna qol jetkizedi.
Mahmýd Sabyrhan 2001 jyly dúnıege kelgen. Ol buǵan deıin álem chempıonatynda 2021 jyly kúmis, 2023 jyly altyn medal aldy.
Sondaı-aq, 2022 jyly Azııa chempıonatynda kúmis júldeger atandy.
Endi el quramasynan Aslanbek Shymbergenov (71 keli) túrikmenstandyq Baıramdurdy Nurmuhamedovpen sharshy alańǵa shyǵady.
Eske salsaq, qazaqstandyq boksshy Alýa Balqybekova (50 keli) kelesi kezeńge ótti.
Sondaı-aq, Cáken Bıbosynov (51 keli) Bahreın atynan synǵa túsken qazaq boksshysyn jeńdi.
El quramasynan Nurbek Oralbaı (80 keli) shırek fınalǵa shyqty.