Lıtsenzııalyq týrnır: Qazaqstandyq boksshy alǵashqy jekpe-jegin jeńispen bastady

<p>ASTANA. KAZINFORM &ndash; Italııanyń Býsto-Arsıtsıo qalasyndaǵy Parıj Olımpıadasynyń joldamalary sarapqa salynyp jatqan týrnırde búgin qazaqstandyq boksshylardan birinshi bolyp sharshy alańǵa shyqqan Natalıa Bogdanova alǵashqy jekpe-jeginde jeńiske jetti.</p>

Naqtyraq aıtsaq, áıelder arasynda 66 keli salmaqta el namysyn qorǵap jatqan Natalıa Bogdanova birinshi aınalymda argentınalyq Lorena Soledad Balbýendi jeńdi.

Kezdesýdiń birinshi raýndynda tóreshiler jeńisti qarsylasqa bergenimen, Bogdanova tez jınalyp, jekpe-jekti jeńispen aıaqtady.

Ol ekinshi kezdesýin erteń ótkizedi.

Esterińizge sala keteıik, búgin sharshy alańda áıelder arasynda eki, erler arasynda eki, jalpy tórt boksshymyz sharshy alańǵa shyǵatynyn jazǵan bolatynbyz. 

Parıj Olımpıadasynyń joldamasy sarapqa salynyp jatqan týrnır 3 naýryzda bastalǵan bolatyn. Jarys 12 naýryz kúni máresine jetedi. Atalǵan týrnırde erler arasynda 28, áıelder arasynda 21 joldama sarapqa salynýda. Qazaqstan quramasynan erlerden 6, áıelderden 5 boksshy joldamaǵa talasyp jatyr.