Lıtsenzııalyq týrnır: Búgin grek-rım sheberleri 12 joldamany sarapqa salady

<p>BІShKEK. KAZINFORM &mdash; Qyrǵyzstan astanasy Bishkek qalasynda kúres túrlerinen ótip jatqan lıtsenzııalyq týrnırde búgin grek-rım kúresiniń sheberleri Parıj Olımpıadasynyń joldamalaryna talasady.</p>

Atalǵan týrnırde grek-rım kúresinen Olımpıada oıyndarynyń 12 joldamasy sarapqa salynady.

Jarys jolyna shyǵatyn qazaqstandyq balýandar:
60 keli - Aıdos Sultanǵalı
67 keli - Meıirjan Shermaǵanbet
77 keli - Demeý Jadraev
97 keli - Oljas Syrlybaı
130 keli - Álimhan Syzdyqov.

Alǵashqy irikteý syndary Astana ýaqytmen 09:30 da bastalady. Al joldama sarapqa salatyn fınaldyq beldesýler 17:00 ge josparlanǵan.

Búgin Azııa qurlyǵynyń Olımpıada oıyndaryna irikteý týrnıriniń sońǵy jarys kúni. Alǵash jarysty erkin kúres sheberleri bastaǵan bolatyn. Nátıjesinde 97 keli salmaqta Álisher Erǵalı men 125 keli salmaqta ıÝsýp Batyrmurzaev Parıj olımpıadasyna joldama aldy.

Al keshe, ıaǵnı ekinshi jarys kúni burymdy balýandarymyz tórtjyldyq basty dodanyń lıtsenzııasyna talasty. Ókinishke qaraı alty balýanymyz synǵa túsip, barlyǵy joldamaǵa qol jetkize almady.