Lıtsenzııalyq týrnır: Aıbek Oralbaı alǵashqy aıqasynda Azııa chempıonyn utty

<p>ASTANA. KAZINFORM &ndash; Italııanyń Býsto-Arsıtsıo qalasynda ótip jatqan lıtsenzııalyq týrnırde búgin 92 keli salmaqta el namysyn qorǵaıtyn boksshymyz Aıbek Oralbaı alǵashqy jekpe-jegin ótkizip, qarsylasyn senimdi túrde utty.</p>

Bul — Aıbek Oralbaıdyń lıtsenzııalyq týrnırdegi alǵashqy aıqasy. Ol búgin Azııa chempıony, 2 márte álem chempıonatynyń shırek fınalısi úndistandyq Sanjıt Sanjıtti aıqyn basymdylyqpen jeńdi.

Foto: Aıan Tólegen

Foto: Aıan Tólegen

Esterińizge sala keteıik, osydan shamaly ýaqyt buryn 51 kelide synǵa túsken álem chempıony Sáken Bıbosynov 1/16 fınalda Kenııa sportshysy Devıd Karancha Macharıany tóreshilerdiń biraýyz sheshimimen jeńdi.

Sondaı-aq, búgin áıelder arasynda 60 keli salmaqta el namysyn qorǵap jatqan Rımma Volosenko atalǵan týrnırde úshinshi jeńisine qol jetkizip, shırek fınalǵa shyqqanyn jazǵan bolatynbyz.

Atalǵan týrnırde Parıj Olımpıadasynyń joldamasyna erlerden alty, áıelderden bes boksshy qatysýda. 3-12 naýryz aralyǵynda ótetin lıtsenzııalyq týrnırde erler arasynda 28, áıelder arasynda 21 joldama sarapqa salynyp jatyr.