Lıtsenzııalyq týrnır: 17 jasar Batyrhan Tóleýǵalıdyń alǵashqy qarsylasy anyqtaldy

<p>ASTANA. KAZINFORM - 15-16 naýryz aralyǵynda Qytaıdyń Taıan qalasynda taekvondodan Parıjge joldama taratatyn Azııa aımaqtyq irikteý týrnırinde el namysyn qorǵaıtyn 17 jasar otandasymyz Batyrhan Tóleýǵalıdyń alǵashqy qarsylasy anyqtaldy.&nbsp;</p>

Tóleýǵalı V tobynda synǵa túsedi. Onyń qarsylasy 23 jastaǵy úndistandyq sportshy Akshaı Hýda bolmaq. 

V toby, shırek fınal:

Batyrhan Tóleýǵalı - Akshaı Hýda (Úndistan, 23 jasta).

Osanando Naýval (Indonezııa) - Álı Mabrýk ál-Mabrýk (Saýd Arabııasy).

A tobynda 5 taekvondoshy kúsh synasyp, bir lıtsenzııany sarapqa salady.

Bir qyzyǵy, Akshaı Hýda 2017 jyly Atyraý qalasynda ótken Azııa chempıonatynda qola júldege (+78 kg) ıe bolǵan. Buǵan deıin qazaqstandyq sportshymen kezdespegen.

Aıta keteıik, erteń Qytaıdyń Taıan qalasynda Olımpıadaǵa lıtsenzııa beriletin Azııa qurlyǵynyń sońǵy irikteý týrnıri bastalady. 

Alǵashqy jarys kúni erler 68 kg, 80 kg, al áıelder 49 kg, 67 kg deıingi salmaqta joldamaǵa talasady. Ulttyq qurama sapynan erteń tek Batyrhan Tóleýǵalı daıangqa shyǵady. Ertesine Marııa Sevostıanova (57 kg), Samırhon Ababakırov (58 kg), Jansel Denız (+67 kg) óner kórsetedi.