Lıtsenzııa sany aldaǵy ýaqytta áli de tolyǵady – Elsııar Qanaǵatov

<p>ASTANA. KAZINFORM &ndash; Qazaqstan sportshylary Frantsııa astanasy Parıj qalasynda ótetin XXXIII jazǵy Olımpıada oıyndaryna 32 lıtsenzııa jeńip aldy.</p>

«Keshe ǵana jeńil atletıkadan Ulttyq qurama sportshysy Janna Mamajanova Rotterdamdaǵy marafonda Qazaqstanǵa Parıj Olımpıadasynyń 32-joldamasyn syılady. Buǵan deıin ózderińiz biletindeı el qorjynynda 11 sport túrinen 31 lıtsenzııa bolǵan edi», - dedi KAZINFORM tilshisine Olımpııa oıyndaryna daıyndyq jónindegi shtab basshysy Elsııar Qanaǵatov.

Foto: Sportty damytý dırektsııasy

Sonymen qatar shtab basshysy lıtsenzııalar sany bunymen toqtap qalmaıtynyn atap ótti.

«Alda taǵy da kóptegen joldamalar sarapqa salynatyn jarystar kútip tur. Endi Taılantta bokstan joldama almaǵan boksshylarymyz taǵy bir márte baǵyn synamaq. Kúres túrlerinen de lıtsenzııalyq birinshilikter endi bastalady. Dzıýdoshylarymyz da reıtıngtik jarystarǵa qatysyp jatyr. Bizge aldaǵy ýaqytta lıtsenzııalar sanyn jaqsartýǵa kóptegen múmkindik berilgen jarystar bar. Sondyqtan, joldamalar sany áli de tolyǵa túsedi degen senimdemiz», - dedi shatb basshysy.

Aıta ketsek, osyǵan deıin qazaqstan quramasy bokstan (erler) – 6, nysana kózdeý – 5, sadaq atý – 4, semserlesý – 4, tas joldaǵy velosport – 3, qazirgi bessaıys – 2, taekvondo – 2, boks (áıelder) – 1, grek-rım kúresi – 1, erkin kúres – 1, sporttyq gımnastıkadan – 1, batýttaǵy gımnastıka – 1 joldama jeńip alǵan bolatyn.

Esterińizge sala keteıik, Olımpıada oıyndarynyń bastalýyna da sanaýly aılar qaldy. Jankúıerler taǵatsyzdana kútken tórt jyldyqtyń basty sporttyq oqıǵasy bıyl 26 shilde men 11 tamyz aralyǵynda ótedi. Oǵan álemniń 205 elinen 10 myńnan astam sportshy qatysyp, 32 sport túrinen 329 medal jıyntyǵy sarapqa salynady.