Lısakovtik júrgizýshiler jergilikti beketterden janarmaı quıa almaı júr
16:26, 01 Qazan 2017
QOSTANAI. QazAqparat - Jergilikti turǵyndar áleýmettik jelilerde qalada 30 qyrkúıek kúni benzın alý qıyndap ketkenin jazyp jatyr, dep habarlaıdy «QazAqparat» HAA tilshisi.
Lısakov janarmaı quıý beketterinde uzyn-sonar kezek jınalǵan. Keshke qaraı beketterde janarmaı qalmaǵan nemese tek talonmen ǵana berilgen. Lısakov qalasynda benzın baǵasy Qostanaıdaǵy sekildi jaǵdaıda. «Munaı ónimderi» janarmaı beketterinde AI-92 makary benzınniń 1 lıtri 155 teńge bolyp otyr.
Eske sala ketsek, 30 qyrkúıek kúni Qostanaıdaǵy benzın baǵasy 155 teńgege shyqqan bolatyn.