Lıonel Messı men Krıshtıaný Ronaldý joldastyq kezdesý ótkizedi

ASTANA. QazAqparat - Lıonel Messı men Krıshtıaný Ronaldý oınaıtyn Frantsııanyń «Parı Sen-Jermen» jáne Saýd Arabııasynyń «Al-Nasr» komandalary 19 qańtarda joldastyq kezdesý ótkizedi, dep habarlaıdy QazAqparat tilshisi.

Frantsııalyq klýb qysqy oqý-jattyǵý jıynynyń kúntizbesin jarııalady. Komanda atalǵan daıyndyqty jylda Saýd Arabııasy jáne Qatarda ótkizip keledi.

«Parı Sen-Jermen» 17 qańtarda Qatar astanasy Doha qalasyna keledi. Onda 2022 jylǵy álem chempıonaty ótken stadıondardyń birinde jattyǵý jumystaryn jasaıdy. Odan keıin 19 qańtarda jergilikti «Al-Nasr» jáne «Al-Hılıal» klýbtarymen joldastyq kezdesý ótkizedi. Sodan keıin qaıtadan Parıjge attanyp ketedi.

Aıta ketsek, «Al-Nasr» komandasynda portýgalııalyq shabýylshy Krıshtıaný Ronaldý oıyn kórsetedi. Ol atalǵan klýbpen ótken jyldyń sońynda kelisim-shartqa qol qoıdy.

Foto: Getty Images