Lıonel Messı Join the Planet ekologııalyq jobasynyń ambassadory boldy

<p>ASTANA.KAZINFORM &mdash; Tanymal fýtbolshy planetaǵa qamqorlyq jasaýdy maqsat etken qormen yntymaqtasatynyn málimdedi. Alǵashqy qadam qaıta óńdelgen plastıkten jasalǵan Messıdiń aıaq kıimin satýdan bastalmaqshy, dep jazady <a href="https://ru.euronews.com/2024/04/05/join-the-planet-botin" target="_blank" rel="noopener">Euronews.</a></p>

Lıonel Messı ambassadory bolǵan qordyń maqsaty — klımattyń ózgerýimen kúresý jáne planetaǵa qamqorlyq jasaý.

«Altyn doptyń» segiz dúrkin ıegerimen yntymaqtastyq aıasyndaǵy birinshi bastama — qaıta óńdelgen plastıkten jasalǵan ataqty kollektsııalyq fýtbol aıaq kıimderiniń kóshirmelerin satý. Jaqynda olar argentınalyq Karün brendimen birlesip ázirlegen óz modelin usyndy.

Josparǵa sáıkes, sporttyq aıaq kıim óndirýge arnalǵan materıal búkil álem boıynsha sý qoımalarynyń jaǵalaýlarynan jınalǵan myńdaǵan tonna plastık qaldyqtarynan bolady.

Joba Messıdiń Argentınadaǵy týǵan qalasy Rosarıodaǵy ózendi tazalaýdan bastalady.