Lıonel Messı Frantsııanyń «PSJ» klýbynda qalatyn boldy
Championat.com saıtynan alynǵan málimetke qaraǵanda, klýbpen kelisimshart merzimi 2023 jylǵy jazda aıaqtalýy tıis bolatyn.
Klýb prezıdenti Nasser Al-Helaıfı Qatardaǵy álem chempıonaty kezinde Messıdiń ákesimen kezdesken. Kezdesý barysynda Messıdiń taǵy bir maýsymǵa qalatyny jóninde aýyzsha kelisimge qol jetkizilgen.
Messıge «Barselonaǵa» qaıta oralý jóninde usynys túspegen.
Oǵan qosa álem birinshiliginiń jeńimpazy atanǵannan keıin Messı Chempıondar lıgasyn taǵy bir márte utqysy keledi. Bul rette «Barselonamen» salystyrǵanda, «PSJ» jobasy oǵan oń jambasqa keledi.
Budan buryn «Barselona» klýbynyń prezıdenti Joan Laporta Lıonel Messıdiń qaıta oralýy jónindegi máseleni talqylaǵysy keletini týraly habar taralǵan edi.
Eske sala keteıik, budan buryn Qazaqstan ulttyq quramasynyń FIFA reıtıngisindegi orny anyqtalǵanyn jazǵan bolatynbyz.
Sondaı-aq Ronaldý «Al-Nasr» klýbymen uzaq merzimdi kelisimshart jasady.
Fýtboldan álem chempıonatyna qatysqan quramalardyń qansha syıaqy alatyny belgili boldy.
Marokko quramasynyń oıynshylary 25 mln eýro syıaqyny qaıyrymdylyq maqsatyna jumsamaqshy.
Foto : Championat.com