Lıonel Messı «Barselonaǵa» oralýy múmkin

<p>&laquo;Inter Maıamı&raquo; klýbynyń shabýylshysy Lıonel Messı jaqyn arada &laquo;Barselonaǵa&raquo; qaıta oralýy múmkin. QazAqparat bul týraly <a href="https://www.sports.kz/news/lionel-messi-mojet-smenit-klub" target="_blank" rel="noopener">Sports.kz</a> portalyna silteme jasap habarlaıdy.</p>

Jýrnalıst Hosep Kapdevılanyń aqparatynsha, eger onyń qazirgi komandasy MLS lıgasynyń pleı-off kezeńine óte almasa, “Barselona” “Inter Maıamıge” oıynshyny jalǵa berý týraly usynys jasaıdy. Eger «Inter Maıamı» pleı-off kezeńine óte almasa, Messı qazan aıynan aqpanǵa deıin (joldastyq kezdesýlerdi eseptemegende) jattyǵýsyz qalady.

Eske sala ketsek, Lıonel Messı «Inter Maıamıdiń” quramynda osy jyldyń shilde aıynan beri óner kórsetip keledi. 36 jastaǵy argentınalyq amerıkalyq klýb sapynda 12 match ótkizip, 11 gol soǵyp, 5 nátıjeli pas berdi. Messı, sondaı-aq, komandasyna tarıhtaǵy alǵashqy júldeni jeńip alýǵa kómektesti.