Lıonel Messı «Altyn dopqa» basty úmitker atandy
Goal fýtbol saıtynan málim etkenindeı, budan buryn álem chempıonatynda shırek fınaldyq matchtardan soń úzdik oıynshy atanǵan L.Messı «Altyn dop» úmitkerleriniń de kóshin bastady.
Messımen «PSJ» klýbynda (Parıj) birge oınaıtyn Frantsııa shabýylshysy Kılıan Mbappe ekinshi, norvegııalyq Erlıng Holand («Manchester Sıtı») úshinshi orynda.
«Altyn doptyń» qazirgi ıegeri, «Real» jáne Frantsııa quramasynyń shabýylshysy Karım Benzema 20-satyda tur. K.Benzemanyń jaraqatyna baılanysty dúnıejúzilik dodadan tys qalǵany belgili.
Úzdik ondyqqa kiretin «Altyn dop» úmitkerleri:
1. Lıonel Messı (PSJ)
2. Kılıan Mbappe (PSJ)
3. Erlıng Holand («Manchester Sıtı»)
4. Neımar (PSJ)
5. Robert Levandovskı («Barselona»)
6. Vınısıýs Jýnıor («Real»)
7. Kevın de Brıýıne («Manchester Sıtı»)
8. Mohamed Salah («Lıverpýl»)
9. Hvıcha Kvaratshelııa («Napolı»)
10. Antýan Grızmann («Atletıko»).
14 jeltoqsanǵa qaraǵan túni L.Messı jartylaı fınalda Horvatııamen ótetin oıynǵa Argentına quramasyn bastap shyǵady.
Eske sala keteıik, budan buryn Frantsııa quramasynyń bas bapkeri Dıde Deshamnyń jumysyn jalǵastyratynyn jazǵan bolatynbyz.
Sondaı-aq úzdik on oıynshynyń esimi jarııalandy.
Foto: Golýbovıch Dmıtrıı/championat.com