Lıonel Messı AQSh-tyń «Inter Maıamı» klýbyna aýysty

ASTANA. QazAqparat - Argentınalyq shabýylshy Lıonel Messı AQSh-tyń «Inter Maıamı» klýbynda oıyn kórsetedi, dep habarlaıdy QazAqparat tilshisi.

Bul jóninde ol «Mundo Deportivo» saıtyna bergen suhbatynda resmı túrde málimdedi.

Arnaıy málimdemesinde «Barselona» jáne «Parı Sen-Jermen» klýbtarynyń burynǵy oıynshysy jańa komandaǵa aýysqanyn rastady.

«Men «Barselona» komandasyna oralmaımyn, men «Inter Maıamı» komandasy qataryna qosylamyn. Endi retteıtin birneshe jumys bar. Bul saýal 100 paıyz tolyqtaı sheshildi dep sanaımyn», - dedi ol.

Eske salsaq, jaqynda Messı Frantsııanyń «Parı Sen-Jermen» klýbynan ketkenin málimdegen bolatyn. Argentına quramasynyń 35-jastaǵy shabýylshysy atalǵan klýbtan erkin agent retinde ketti. Komandada 2021 jylǵy jazdan beri oıyn kórsetti.

Messı «Inter Maıamı» klýbynan buryn «Bsrselona» men Saýd Arabııasynyń «Al-Hılıal» komandalarynyń usynysyn qabyldaǵan joq. Saýd Arabııasynyń klýby oǵan eki jylǵa 1,2 mıllıard eýro eńbekaqy usynǵan bolatyn.

Ótken maýsymda argentınalyq shabýylshy «Parı Sen-Jermen» sapynda 41 oıynda 21 gol soǵyp, 20 nátıjeli pas berdi.

Eske salsaq, budan buryn Karım Benzema saýdııalyq «Ál-Ittıhad» klýbynyń oıynshysy atandy.