Lıngvıstıkalyq komıssııa: Jumataı Álıev 13 sóılemnen 19 qate jiberdi

NUR-SULTAN. QazAqparat - QR Prezıdenttigine kandıdat Jumataı Álıev memlekettik tildi meńgermegen. Mundaı qorytyndyny búgin QR Ortalyq saılaý komıssııasy janynan qurylǵan QR Prezıdenttigine kandıdattyń memlekettik tildi meńgerý deńgeıin anyqtaıtyn lıngvıstıkalyq komıssııa shyǵardy, dep habarlaıdy QazAqparat tilshisi.

«Búgin «Halyq demografııasy» qoǵamdyq birlestiginen prezıdenttikke úmitker retinde usynylǵan Jumataı Álıev emtıhanǵa berilgen ýaqytyn tolyq paıdalandy. Komıssııa barlyq kezeńderdi jan-jaqty talqylady», - dedi úmitkerdiń emtıhan nátıjesin jarııa etken lıngvıstıkalyq komıssııa múshesi Ádil Ahmetov.

Onyń aıtýynsha, úmitker birinshi kezeńde «Memleket jáne din» degen taqyrybynda shyǵarma jazǵan.

«Taqyryp múldem ashylmaǵan, sóılemderiniń barlyǵy júıesiz. Din máselesi de múldem ashylmady deýge bolady, ústirt. Ekinshi kezeńde Muhtar Áýezovtiń «Abaı joly» romanynyń 2-tomynan úzindi oqydy. M.Áýezovtiń sózdi «qyzdyń jıǵan júgindeı» ǵoı. Mátinniń óz «áýezi bar. Bul jerde de óziniń shorqaqtyǵyn baıqatty. Úshinshi kezeńde «Yrys aldy - yntymaq» taqyrybynda baıandama jasady. «Yrys aldy - yntymaq» taqyryby múldem ashylmady. Taǵy da ústirt boldy. Saýatsyz boldy. Máselen, birinshi kezeńdegi shyǵarmada bas-aıaǵy 13 sóılemde 19 qate. Ózderińizge belgili 8 den assa ol shyǵarma teris baǵalanady. Sondyqtan prezıdenttikke úmitker Jumataı Álıev memlekettik tildi erkin meńgermegen degen komıssııa qorytyndysy shyqty», - dedi ol.