Lıga kýbogy: «Jetisý» birinshi lıga komandasynan jeńilip qaldy

<p>ASTANA. KAZINFORM &mdash; Búgin fýtboldan Lıga kýbogy týrnıriniń úshinshi týrynda taldyqorǵandyq &laquo;Jetisý&raquo; Aqtaýdyń &laquo;Kaspııinen&raquo; jeńilip qaldy.</p>

Bıyl birinshi lıgada synǵa túsip jatqan aqtaýlyq komanda óz alańynda «Jetisýmen» kezdesýinde shıraq qımyldaı bildi. Olardyń qatarynan Sanat Jumahanov 17-mınýtta esep ashsa, Baqdáýlet Kóńlimqos 67-mınýtta esepti ústemele tústi.

Oǵan «Jetisý» sapynan Danııar Úsenov 71-mınýtta bir golmen jaýap qaıyrdy.

Osylaısha «Kaspııi» qarsylasynan 2:1 eesbimen basym túsip, óz tobynda alty upaımen ekinshi orynǵa turaqtady. 

Aıta ketsek, atalǵan topta 19 shildede elordalyq «Astana» syrt alańda Qaraǵandynyń «Shahterin» 4:2 esebimen tize búktirip, alty upaımen birinshi orynǵa taban tiredi. Dop aıyrmasy boıynsha jartylaı fınalǵa joldama aldy.

Dál qazir S tobynda «Elimaı» (Semeı) men «Atyraý», «Turan» (Túrkistan) men «Ordabasy» (Shymkent) kezdesýi ótip jatyr.

Al 21 shildede A tobynda «Aqjaıyq» (Oral) men «Qyzyljar» (Petropavl), «Qaırat» (Almaty) men «Taraz», V tobynda «Qaısar» (Qyzylorda) men «Tobyl» (Qostanaı), «Aqtóbe» men «Jeńis» (Astana) kezdesedi.

Árbir toptan birinshi oryn alǵan komandalar jartylaı fınalǵa shyǵady.

Jartylaı fınal 10-11 tamyz ben 30 qazanǵa belgilengen. Fınal 24 qarashaǵa josparlanǵan.

Eske salsaq, birinshi lıgada «Jetisaı» úsh oıynnan keıin jeńiske jetti.