LGBT-ǵa qarsy petıtsııa: Balalar aýdıtorııasyna anaıy kontent taratýǵa shekteý qoıylady

<p>ASTANA. KAZINFORM &ndash; Búgin &laquo;Qazaqstan Respýblıkasynda LGBT-ny ashyq jáne jasyryn túrde nasıhattaýǵa qarsymyz!&raquo; petıtsııasy boıynsha sheshim jobasyna jarııa talqylaý ótti. Otyrysqa Mádenıet jáne aqparat mınıstrligi, Іshki ister mınıstrligi, Oqý-aǵartý mınıstrligi, Ádilet mınıstrligi, Densaýlyq saqtaý mınıstrliginiń ókilderi, Parlament depýtattary, sarapshylar, qoǵam qaıratkerleri men BAQ ókilderi qatysty.</p>

Kezdesýde memlekettik organdardyń, ótinish berýshilerdiń, sarapshylardyń jáne basqa da múddeli taraptardyń ustanymdary aıtylǵan jumys tobynyń aldyńǵy eki otyrys nátıjesi talqylandy. 

Foto: QR Mádenıet jáne aqparat mınıstrliginiń baspasóz qyzmeti

Qatysýshylar petıtsııany qaraý barysynda ulttyq jáne halyqaralyq normatıvtik quqyqtyq aktilerge taldaý júrgizip, jetekshi sarapshylarmen konsýltatsııalar ótkizgenin, Qazaqstan halqynan alynǵan áleýmettik saýalnamalar nátıjeleri saralanǵanyn atap ótti.

«Nátıjesinde ýákiletti organ «Jasóspirimder men balalardy jynystyq qatynastardy nasıhattaý men kýlt qylýdan qorǵaý, alshaqtatý» talaptaryna qatysty petıtsııany ishinara maquldaý týraly sheshim qabyldady. ıAǵnı, balalar aýdıtorııasyna seksýaldy kontent taratýǵa shekteýler engizý qajettiligi qarastyrylyp otyr», - delingen habarlamada. 

QR Mádenıet jáne aqparat mınıstrligi bul sheshim aldyn ala jáne eldegi negizgi zańynyń erejelerine, halyqaralyq jáne ulttyq normatıvtik quqyqtyq qujattardyń talaptaryna, otbasylyq jáne genderlik saıasat tujyrymdamasynda kórsetilgen memlekettik saıasattyń negizgi basymdyqtaryna sáıkes keletinin atap ótti.

«Sonymen qatar, mınıstrliktiń sheshimi «Bala quqyqtary týraly» Qazaqstan Respýblıkasynyń zańyna jáne Konventsııaǵa negizdeledi. Zańǵa sáıkes memlekettik organdar, jeke jáne zańdy tulǵalar balany áleýmettik ortanyń, qandaı da bir aqparattyń, onyń densaýlyǵyna, adamgershiligine jáne rýhanı damýyna zııan keltiretin nasıhat pen úgittiń keri áserinen qorǵaýǵa mindetti», - dep habarlady QR Mádenıet jáne aqparat mınıstrliginiń baspasóz qyzmeti. 

Qazaqstan Respýblıkasynyń zańnamasyna sáıkes, mınıstrlik resmı sheshimdi osy jyldyń 6 tamyzyna deıin petıtsııa avtoryna joldaıdy. Osy másele boıynsha sheshim sol sheshim shyǵarylǵan kúnnen bastap kelesi jumys kúninen keshiktirilmeı ınternet-resýrsta jarııalanatyn bolady.