Leonardo Dı Kaprıo Qazaqstan Úkimetin quttyqtady

<p>Tanymal amerıkalyq akter, Gollıvýd juldyzy Leonardo Dı Kaprıo kıik popýlıatsııasynyń qalpyna kelýine baılanysty Qazaqstan Úkimetine úndeý jasady, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>

- Aqbóken Halyqaralyq tabıǵatty qorǵaý odaǵynyń Qyzyl tiziminde joıylyp ketý qaýpi tóngen sanatqa qaıta jikteldi. Buryn-sońdy bolmaǵan bul qalpyna keltirý — Qazaqstandaǵy aqbóken popýlıatsııasynyń keremet saqtalǵanyn kórsetedi. 2005 jyly nebári 48 000 bolǵan túr qazir jabaıy tabıǵatta 1,9 mıllıonnan asady,- dep atap ótti Leonardo Dı Kaprıo.

Osyǵan baılanysty Gollıvýd juldyzy Qazaqstan Úkimetine alǵys bildirdi.

«Brakonerlikpen kúres jónindegi bastamalarǵa, quqyq qorǵaý júıesine jáne qorǵalatyn tabıǵı aýmaqtardy qurýǵa qomaqty qarjy bólgen Qazaqstan úkimetin quttyqtaımyn. Sizder tabıǵatty qorǵaý uıymdarymen, ýnıversıtettermen jáne ǵalymdarmen yntymaqtasa otyryp, birlesken kúsh-jiger arqyly tabıǵatty qorǵaý salasynda shynaıy tabysqa qol jetkizýdiń jarqyn mysaly bola aldyńyzdar», - dep jazdy akter.