Leo Igıtanyń áreketi úshin «Qaırat» fýtzal klýbyna aıyppul salyndy

<p>ASTANA. KAZINFORM &ndash; Qazaqstan fýtbol federatsııasynyń Ádep jónindegi komıtetiniń otyrysy ótti.&nbsp;</p>

Qazaqstan fýtbol federatsııasynan málim etkenindeı, onda qarsylas komandanyń atrıbýtıkasyna qurmetsizdik tanytqan «Qaırat» fýtzal klýby oıynshylarynyń sportqa jat áreketterine qatysty másele qaraldy. Komıtet sheshimine sáıkes «Qaırat» AFK-ǵa 500 AEK mólsherinde aıyppul salyndy. 

«Aıyppuldy 2024 jyldyń 10 shildesine deıin tóleý qajet. «Qaırat» AFK bas dırektory A.Qujanovaǵa eskertý túrinde tártiptik jaza berilsin. «Qaırat» AFK atalmysh jaǵdaıdyń bastamashylaryn (arańdatýshylaryn) taýyp, túsindirý jumysyn júrgizýge mindettelsin. Nátıjesin 2024 jyldyń 24 maýsymyna deıin habarlasyn», - delingen resmı aqparatta. 

Eske sala keteıik, budan buryn QFF Leo Igıtanyń áreketine baılanysty málimdeme jasaǵanyn jazǵan bolatynbyz.