«Lenın atynda 16 kóshe bar, al Álıhan Bókeıhanovqa bir kóshe buıyrmaı tur»-respýblıkalyq basylymdarǵa sholý

ASTANA. 2 shilde. QazAqparat - Qazaq aqparat agenttigi respýblıkalyq basylymdarda 2 shilde, senbi kúni shyqqan ózekti materıaldarǵa sholýdy usynady.

***

«Premer-Mınıstr K.­Má­si­mov­­­tiń tóraǵalyq etýmen Úkimet ja­nyn­daǵy quqyq buzýshylyqtyń pro­fılaktıkasy jónindegi vedom­stv­oaralyq komıssııanyń birinshi otyrysy bolyp ótti», - dep jazady «Egemen Qazaqstan» gazeti senbilik sanyndaǵy «Nashaqorlyqqa jáne esirtki bıznesine qarsy is-qımyl» degen taqyryptaǵy maqalasynda. Basylymnyń atap ótýinshe, onda quqyq buzýshylyqtyń pro­fı­laktıkasy boı­ynsha quqyq qor­ǵaý jáne ýá­ki­letti organdardyń qyzmetine qa­tys­ty birqatar má­seleler tal­qy­landy. Májiliste Іshki ister mınıstri Q.Qasymov nashaqorlyqqa jáne esirtki bıznesine qarsy is-qımyl boıynsha qabyldanyp jat­qan sharalar týraly baıandama jasady.

«Egemen Qazaqstan» gazetiniń jazýynsha, keshe Astanadaǵy «Rıksos» qonaq úıinde Syrtqy ister mınıstrliginiń qyzmetkerleri ózderiniń kásibı merekesi - Dıplomatııa kúnin saltanatty túrde atap ótti. Saltanatty mereke barysynda elimizdiń syrt­qy saıasatyna úles qosyp, erekshe eńbekterimen kózge túsken bir­qa­tar dıplomattar marapattaý qa­ǵaz­dary men dıplomatııalyq dáre­jelerdi ıelendi. Atap aıtqanda, Qazaqstan Res­pýblıkasy Prezıdentiniń Jarly­ǵymen Ulybrıtanııadaǵy elshi Qaırat Ábýseıitovke jáne Belarýs Respýblıkasyndaǵy elshi Ana­tolıı Smırnovqa Tótenshe jáne ókiletti elshi dıplomatııalyq dárejeleri berildi.

***

«Qazirgi tańda Qaraǵandy oblysynyń eldi mekenderindegi, qalalaryndaǵy, aýdan ortalyqtaryndaǵy kóshe ataýlarynyń basym kópshiligi ulttyq bolmysymyzǵa múlde saı kelmeıdi. Kóshe ataýlarynyń Qazaqstan tarıhyna qatysy joqtyǵy óz aldyna, kópshiligi, tipti maǵynadan jurdaı ataýlar. Buny resmı organnyń ózi rastaı alady. Atap aıtqanda, Qaraǵandy oblysynyń Tilderdi damytý jónindegi basqarmasy jaqynda aýdan, qala kósheleriniń ataýlaryna saraptama júrgizgen bolatyn», - dep jazady «Aıqyn» gazeti. Maqala basylymnyń senbilik sanynda «Lenın atynda 16 kóshe bar, al Álıhan Bókeıhanovqa bir kóshe buıyrmaı tur» degen taqyryppen berilgen.

Búgin veloshabandozdar arasyndaǵy eń áıgili báseke - «Týr de Frans» kópkúndigi bastalady. Osyǵan oraı «Aıqyn» gazetinde «Týr de Frans», tart alǵa!» degen taqyryppen kólemi maqala jaryq kórdi. Basylymnyń atap ótýinshe, búgin bastalatyn «Týr de Frans» kópkúndiginde «Astananyń» sapynda qazaqstandyq Aleksandr Vınokýrov, Dmıtrıı Fofanov, Maksım Iglınskıı, Andreı Zeıts, frantsııalyq Remı dı Georgıo, ýkraınalyq Andreı Grıvko, chehııalyq Roman Kroıtsıger, ıtalııalyq Paolo Tıralongo jáne lıtvalyq Tomas Vaıtkýs óner kórsetedi. Jerlesterimizdi bul jarysqa bas menedjer Djýzeppe Martınellı jáne sporttyq dırektorlar - Aleksandr Shefer men Dmıtrıı Sedýn bastap aparady.

***

1 shildeden bastap Qazaqstan, Reseı jáne Belarýs memleketteriniń ishki kedendik baqylaý beketteri alynyp, úsh eldiń shekarasy ashyq rejimge kóshirildi. ıAǵnı, úsh memlekettiń terrıtorııasy aınalymynda kedendik rásimdeýden ótken kez kelgen taýar emin-erkin júretin bolady. Osyǵan oraı «Alash aınasy» gazetinde «Keden odaǵy aıasynda kelesi satyǵa aıaq bastyq» degen taqyryppen maqala jaryq kórdi. «Árıne, Keden odaǵy aıasynda birigý bolǵanymen, bul arada úsh memleket bir-birine básekeles bolary sózsiz. Sondyqtan Keden odaǵyna ený oǵan múshe memleketterdiń aldyna úlken maqsat pen mindetterdi júkteıdi», - dep jazady basylym.

«Alash aınasy» gazetiniń jazýynsha, keshe túnde Aqtóbe oblysy temir aýdandyq ishki ister bóliminiń eki qyzmetkerin belgisiz bireýler atyp ketti. Oqıǵa Shubarshı eldi mekeninde boldy. Eki polıtseı de oqıǵa ornynda jan tapsyrdy. Qaıǵyly oqıǵa oryn alǵan jerdi tekserý barysynda oq-dáriler tabylǵan. Qazir atalǵan aýylda jedel izdestirý toptary jumys istep jatyr. Mán-jaıdy tolyq bilgińiz kelse, basylymdaǵy «Eki polıtseıdi atyp ketti» degen maqalaǵa kóz júgirtińiz.