Legıoner sportshylarǵa qatysty lımıt zańmen bekitiledi – mınıstrlik

<p>ASTANA. KAZINFORM &ndash; Týrızm jáne sport mınıstrligi&nbsp; &laquo;Dene shynyqtyrý jáne sport&raquo; salasyndaǵy zańǵa ózgerister men tolyqtyrýlar engizý boıynsha Zań jobasyn ázirledi. Zań jobasyndaǵy ózgeristerdiń biri legıoner sportshylarǵa qatysty lımıtti zańmen bekitý normasy engizilmek.</p>

Májilis depýtaty Nartaı Sársenǵalıev áleýmettik jelidegi jeke paraqshasynda endigi ýaqytta legıoner sportshylarǵa 1 tıyn berilmeıtini týraly málimdeme jasady.

«Adam estimegen sport túrlerine aqsha berip kelgen mınıstrliktiń sheshimi de toqtatyldy. 180 sport túri qysqartylady. Tıisti normany Úkimet qoldady», - dep jazdy Nartaı Sársenǵalıev jelidegi paraqshasynda. 

Halyq qalaýlysynyń málimetinshe, Qazaqstan Respýblıkasynyń keıbir zańnamalyq aktilerine dene shynyqtyrý jáne sport, sondaı-aq normalardyń artyq (shamadan tys) zańnamalyq reglamenttelýin bolǵyzbaý máseleleri boıynsha ózgerister men tolyqtyrýlar engizý týraly» Zańynyń 49 babynyń birinshi bóligine sáıkes «Qazaqstan Respýblıkasynyń azamattary bolyp tabylmaıtyn sportshylardy bıýdjet qarajaty esebinen qarjylandyrýdy júzege asyrýǵa tyıym salynady. Sondaı-aq, Nartaı Sársenǵalıev Qazaqstan Respýblıkasynyń azamattary bolyp tabylmaıtyn sportshylardy kvazımemlekettik sektor sýbektileriniń qarajaty esebinen qarjylandyrýǵa jol berilmeıtinin aıtyp otyr.

Osy oraıda dene shynyqtyrý jáne sport zańyndaǵy ózgerister men tolyqtyrýlarǵa qatysty Týrızm jáne sport mınıstrligine saýal joldaǵan edik.

«Memleket basshysynyń Qazaqstan halqyna joldaýy men 2024 jylǵy 27 tamyzda Olımpıada júldegerlerimen kezdesý kezinde bergen tapsyrmalaryna sáıkes, qazirgi tańda, «Dene shynyqtyrý jáne sport» salasyndaǵy zańǵa ózgeristermen tolyqtyrýlar engizý boıynsha Zań jobasy ázirlendi. Zań jobasynda qarastyrýda ózgeristerdiń biri retinde legıoner sportshylarǵa qatysty lımıtti zańmen bekitý normasy engizilgen. Kásibı komandalyq sport klýbtaryna arnalǵan qarjylandyrý lımıtterin bekitý jáne sporttyń basym túrlerin aıqyndaý quzyreti sport salasyndaǵy ýákiletti organǵa beriledi. Bul rette, sport salasynda tikeleı biriktirilgen basqarý júıesin engizý kózdelýde», - delingen agenttik joldaǵan resmı saýal jaýabynda.

Qazir atalǵan zań jobasy Májilistiń qaraýynda.

«Zańǵa engizilgen taǵy bir ózgeris memlekettik bıýdjetten qarjylandyrylatyn sport túrleri úsh sanatqa bólinedi, ol negizgi», medaldyq jáne ulttyq sport. Qazirgi tańdaǵy 180 sport túrinen olımpıadalyq jáne ulttyq sport túrlerin jáne Azııa oıyndarynyń baǵdarlamasyna kiretin sport túrlerin qaldyrý josparlanyp otyr. Legıoner sportshylarǵa qatysty kásibı komandalyq sport klýbtaryna arnalǵan qarjylandyrý lımıtterin bekitý jáne sporttyń basym túrlerin aıqyndaý quzyreti sport salasyndaǵy ýákiletti organǵa berilýi qarastyrylǵan», - degen jaýap aldyq mınıstrlikten.