Leffler Golovkın men «Kanelo» kelissózderi týraly jańa málimdeme jasady

NUR-SULTAN. QazAqparat - Qazaqstandyq kásipqoı boksshy Gennadıı Golovkınniń promoýteri Tom Leffler meksıkalyq Saýl Alvarespen ótýi múmkin úshinshi jekpe-jek týraly pikir bildirdi, dep habarlaıdy QazAqparat Sports.kz-ke silteme jasap.

«Gennadıı DAZN-men kelisimshartqa otyrǵan. Óıtkeni bul «Kanelomen» úshinshi jekpe-jek ótkizýdiń eń qolaıly joly. Tıtýldar asa mańyzdy dep oılamaımyn, Golovkın de, «Kanelo» da dál qazir kez kelgen belbeýden joǵary. «Kanelo» Madison Square Garden arenasynda jeltoqsanda jekpe-jek ótkizdi. Golovkın de osynda jekpe-jekterin ótkizedi. Menińshe, úshinshi jekpe-jek ekonomıkalyq jaǵynan tıimdi. Onyń ótetin jeri kelissózderdiń mańyzdy bóligi bolady. Óıtkeni endi Golovkın Las-Vegasta judyryqtasýǵa mindetti emes», - deıdi Leffler.