Leffler Golovkın - Djeıkobs jekpe-jeginiń satylymy jaıly boljamdarymen bólisti
«Eger Dennı Djeıkobs sekildi Nıý-Iork jurtshylyǵyna tanymal boksshynyń kezdesýin ótkizseń jáne oǵan Gennadııdi qossań, jankúıerlerdiń tamasha belsendiligin kórýge bolady. Bıletterdiń satylymyna degen qyzyǵýshylyq orasan. Jekpe-jek AQSh-ta NVO PPV arnasynan álemniń júzden astam eline translıatsııalanady. Eki boksshy da bir-birine myqty qarsylas bolǵaly tur», - dedi Leffler Boxingscene.com saıtyna.
Gennadııdiń PPV arqyly kórsetilgen aldyńǵy jekpe-jegi 150 myńnan astam translıatsııalyq satylymǵa yqpal etti. Kóptegen adam Djeıkobspen aıqasta bul kórsetkish joǵary bolý kerek dep esepteıdi, sonda Golovkın Saýl Alvarespen bolatyn yqtımal kezdesý úshin kóbirek upaı jınaıdy. Alaıda promoýter 18 naýryzǵa deıin olardyń Djeıkobske kóńil bólgenin, Kanelomen kezdesý sharýalaryn keıinge ysyrǵanyn málimdedi.
«Barlyǵy 18 naýryzǵa nazar aýdaryp otyr, sebebi Golovkın bul aıqasta jeńip shyqpasa, bolashaqtaǵy barlyq jospardyń kúli kókke ushady. Onyń barlyq ataqtary qoldan sýsyp ketedi. Bul ýaqytta Dennı de óziniń myqty ekenin kórsetkisi keledi. Bul jekpe-jekte jeńilgen boksshy bolmaıdy. Ekeýi de óz beıinin kóteredi. Bizde 100 dollarlyq 5000 bılet bar jáne bul somaǵa sizder GGG, Dennı Djeıkobs jáne Roman Gonsales syndy boksshylardy kóresizder. Qosymsha ózge de anderkard kezdesýler jankúıerler úshin qundy bolmaq. Árıne, mundaı qaýipti kezdesýden eki boksshy da jaqsy syıaqy alǵysy keledi. Biraq biz oqıǵa qatysýshylary úshin de, telearna kórermeni úshin de qundylyqtardy arttyramyz», deıdi promoýter.