Leffler Golovkın - Djeıkobs aıqasynyń tabysyn qalaı bóletinin aıtty

ASTANA. QazAqparat - K2 Promotions atqarýshy dırektory Tom Lefflerdiń aıtýynsha, Denıel Djeıkobs Golovkınmen jekpe-jegi úshin tıisti deńgeıden sál kóbirek alady, dep habarlady Sports.kz.

18 naýryzda boksshylar kezdesýinde Golovkın WBA tujyrymy boıynsha orta salmaqtaǵy sýper-chempıon tıtýlyn qorǵaıdy. Dúnıejúzilik boks qaýymdastyǵy qaǵıdasy boıynsha chempıonǵa jalpy tabystyń 75 paıyzy, al úmitkerge 25 paıyzy tólenedi.

Leffler tólemdi qandaı da bir yqtımal táýekelderdi boldyrmaý maqsatynda kótergenin aıtty. «Bul belgilengen paıyzdyq ara-qatynastan qymbat. Ári jan-jaqtan qansha talqylandy: «Aıqasty Barclay's Center-ge aýystyrsa ne bolady?», «Ony Showtime telearnasyna qoısa she?», - olaı bolǵanda biz chempıondyq jolymyzdan shyǵyp, «Medıson Skver Gardende» qaıta jekpe-jek ótkize almaǵan bolar edik».

Gennadııdiń «Gardende» Lememen jekpe-jegi ótken. Olaı bolsa, Nıý-Iorkte jankúıerler onyń qaıta oralýyn kútip otyr. Kópshiligi muny áserli jekpe-jek bolady dep kútýde», - degen Lefflerdiń sózin keltirdi UCN Live.