Leffler Golovkın-Alvares revanshy ótetin kúndi atady

ASTANA. QazAqparat - Qazaqstandyq boksshy Gennadıı Golovkınniń promoýteri Tom Leffler meksıkalyq Saýl Alvarespen yqtımal qarymta aıqastyń datasyn atady, dep habarlaıdy Sports.kz.

«Biz Golovkın-Alvares revanshynyń kelesi jyldyń mamyr aıynda ótýi úshin jáne jankúıerlerdiń aıqasty taǵy da tamashalaýy úshin qoldan kelgenniń bárin jasaımyz. Ótken aptada «Kanelonyń» promoýteri Erık Gomespen kezdestim. Revanshty ótkizý úshin bizdiń tarapymyzdan qoldan kelgenniń bárin jasaımyz, al ol ótýi tıis, sebebi bul álemdik aýqymdaǵy oqıǵa. «Kanelomen» qarymta aıqas - Gennadıı úshin basymdyq jáne Alvares te ony qalaıdy dep úmittenemiz. Eger kelissózder sátti ótse, jekpe-jek 5 mamyr kúni Sınko de Maıoda ótedi», - dedi Leffler FightHub TV-ge bergen suhbatynda.

Eske salaıyq, Golovkın - «Kanelo» aıqasy daýly teń nátıjemen aıaqtalǵan edi.