Іle-Balqash rezervatyndaǵy qurǵaq shóp pen qamys órti sóndirildi

<p>QONAEV. KAZINFORM &mdash; Almaty oblysyndaǵy Іle-Balqash memlekettik tabıǵı rezervatynda 5 kúnge sozylǵan órt sóndirildi. Qazir órt sharpyǵan aýdan anyqtalyp jatyr.</p>

Almaty oblystyq Tótenshe jaǵdaılar departamentiniń málimetinshe, sý aǵyzý qurylǵysy bar Qazavıaqutqarý tikushaqtary áýeden 130 márte 390 tonna sý tókti. Sonymen qatar órtti sóndirý avtotsısternalardyń, motopompalardyń, kúrekterdiń kómegimen de júrgizildi, jeldiń baǵytyn eskere otyryp, qarsy qoıý (kúıdirý) ádisi qoldanyldy.

«Batpaq pen baǵytyn únemi ózgertken qatty jel órt oshaqtaryn sóndirý jumystaryn qıyndatty. Órtti sóndirýge TJD, jergilikti atqarýshy organdar beketteriniń kúshteri men quraldary, jergilikti turǵyndar, tabıǵı rezervattyń bólimsheleri jumyldyrylyp, ushqyshsyz ushý apparaty jáne sý aǵyzý qurylǵysy bar avıatsııalyq tikushlaq qoldanyldy»,- dep habarlady Almaty oblysy TJD baspasóz qyzmetinen.

Buǵan deıin osy jaǵdaıǵa baılanysty QR Qylmystyq kodekstiń 341-baby «Ormandardy joıý nemese búldirý» boıynsha qylmystyq is qozǵalǵany týraly jazǵan edik.