Іle Alataýynda joǵalyp ketken eki bala tabyldy

<p>23 qyrkúıekte saǵat 20:10-da Respýblıkalyq jedel-qutqarý jasaǵynyń kezekshi-dıspetcherlik bólimine Іle Alataýynda joǵalyp ketken eki jasóspirimnen habarlama tústi. Jedel-qutqarý jasaǵynyń toby izdeýge jolǵa shyqty, dep habarlaıdy <a href="https://kaz.inform.kz/" target="_blank" rel="noopener">QazAqparat </a>TJM-ge silteme jasap.</p>

"Zardap shekkendermen baılanys ornattyq, jasóspirimder Kýmbel shyńy aımaǵyndaǵy týrısterdi qutqarýǵa arnalǵan taýdaǵy lashyq úılerdiń birin panalaǵan. Qutqarýshylar jasóspirimderge saǵat 3:38-de jetti. Taýda qar kóp bolǵandyqtan, jastardyń kıimderi sý bolyp qalǵan eken. Qutqarýshylar olarǵa jyly shulyq berip, kıimderin keptirip, saǵat 5: 20-da taý basynan túse bastady. Jas týrıster Kók-Jaılaý - Úsh aǵaıyndy - Qumbel baǵytymen júrip, sol jerden Gorelnık shatqalyna túse bastaǵany anyqtaldy. Alaıda, jas týrıstter ýaqytty eseptemeı, qarańǵy túse bastaǵan soń, joldy qysqartýǵa sheshim qabyldaǵan. Olar joldan shyǵyp, adasyp qalǵan. Jasóspirimder der kezinde durys sheshim qabyldady: dereý qutqarýshylarǵa qońyraý shalyp, arnaıy taýdaǵy lashyq úıge baryp, panalaǵan", - dep jazdy vedomstvodan.

TJM Respýblıkalyq jedel-qutqarý jasaǵynyń qutqarýshylary eske salady: taýǵa qaraı baǵyt alsańyzdar, oralý ýaqytyn esepteńizder, baǵyttyń kóp bóligin kúndizgi ýaqytta júrip ótińizder. Qutqarýshylardy shaqyrý úshin myna nómirlerdi este saqtańyzdar: 112 nemese 8(727)372-15-60 (Respýblıkalyq jedel-qutqarý jasaǵy).