Іle Alataýy ulttyq parkinde beımálim 4 adam ormanshyny soqqyǵa jyqty

<p>Іle Alataýy ulttyq saıabaǵynda jol talǵamaıtyn kólik tizgindegen belgisiz bireýler ormanshyny soqqyǵa jyqqan, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.&nbsp;</p>

Ormanshynyń soqqyǵa jyǵylǵany týraly aqparat áleýmettik jelide tarady.

Onda oqıǵanyń 29 qyrkúıekte bolǵany aıtylǵan. 

«Álgi adamdar djıppen shlagbaýmdy syndyryp, ishke ótýge tyrysqan. Kireberisti kameramen qamtamasyz etýge ulttyq parkterdiń qarajaty da joq», - dep jazdy jeli qoldanýshysy.

Keıin osy jaǵdaıǵa Ekologııa mınıstrligi orman sharýashylyǵy jáne janýarlar álemi komıteti málimdeme jasady.

Aıtýynsha, 30 jastaǵy ınspektor Damır Qýatbekovty belgisiz bireýler soqqyǵa jyqqan.

«Belgisiz tórt adam Medeý bólimshesiniń Kamensk ormanshylyǵynyń ınspektoryna shabýyl jasaǵan. Ormanshy kúdiktilerdiń ulttyq park aýmaǵyna zańsyz kirýine kedergi jasamaq bolǵan. Qaskóıler qara tústi Toyota Land Cruiser kóligimen býksır tirkeıtin arqan arqyly «Mokryı klıých» shatqalynyń jabyq shlagbaýmyn buzýǵa tyrysqan», - delingen habarlamada.

Almaty qalalyq polıtsııa departamentiniń baspasóz qyzmeti kúdiktilerdi ustaýǵa baǵyttalǵan tıisti sharalar kesheni júrgizilip jatqanyn habarlady. 

«Qylmys obektisi janýarlar dúnıesin qorǵaý jónindegi mamandandyrylǵan uıymnyń laýazymdy tulǵasy ekenin eskere otyryp, qylmystyq is QR QK 380-2-baby 3-bóligi - memlekettik ınspektorǵa kúsh qoldaný boıynsha qaıta kvalıfıkatsııalandy. Tergeý barysy Almaty qalalyq PD basshylyǵynyń baqylaýynda»,- dep atap ótti vedomstvodan.