Lazzat Ramazanova otbasylyq zorlyq-zombylyqtardyń negizgi sebepterin atady
Otyrysta Qazaqstan Respýblıkasyndaǵy otbasylyq jáne genderlik saıasat tujyrymdamasyn 2021 jyly iske asyrý jáne nysanaly ındıkatorlarǵa qol jetkizý nátıjeleri tyńdaldy. Sonymen qatar kún tártibine ómirlik qıyn jaǵdaıǵa tap bolǵan otbasylarǵa kómek kórsetý boıynsha vedomstvoaralyq ózara is-qımyl; áıelder kásipkerligin qoldaý ortalyqtarynyń qyzmeti; QR SІM-niń Qazaqstannyń genderlik kún tártibin halyqaralyq alańdarda ilgeriletý jáne genderlik teńdikti qamtamasyz etý salasynda eldiń halyqaralyq mindettemeleriniń oryndalýyna baqylaý jasaý máseleleri engizildi.
Otyrysty asharda Ulttyq komıssııanyń tóraıymy, Parlament Májilisiniń depýtaty Lazzat Ramazanova Memleket basshysynyń tapsyrmalaryn oryndaý aıasynda ortalyq jáne jergilikti atqarýshy organdarmen birlesken jumys aýqymyn atap ótti. Ulttyq komıssııa basshysy, bul jumysta ótkir áleýmettik problemalardy jedel sheshýge basty nazar aýdarylatynyn atap ótti. Ulttyq komıssııa áleýmettik belsendi aýdıtorııa men sarapshylar úshin dıalog alańyn usynady, onda eń kóp qoǵamdyq rezonans alǵan jáne neǵurlym egjeı-tegjeıli talqylaýdy talap etetin taqyryptar talqylanady.
Sonymen birge áıelderge qatysty zorlyq-zombylyq úshin jazany qatańdatý qajettigi máseleleri boıynsha Bas prokýratýramen, Úkimetpen jáne jergilikti atqarýshy organdarmen ózara is-qımyl kúsheıtiletin bolady.
Atalǵan máselelerdi tyńdaý barysynda jergilikti atqarýshy organdardyń memlekettik áleýmettik tapsyrys sheńberinde «Otbasylyq-demografııalyq jáne genderlik máselelerdi sheshýge járdemdesý» baǵyty boıynsha jumysy usynyldy. Sonyń ishinde 322,5 mln.teńge somasyna 135 áleýmettik jobanyń iske asyrylǵany kórsetildi. Bul baǵyttaǵy jumystar 5 óńirde - Túrkistan, Qostanaı, Atyraý, Batys Qazaqstan, Jambyl oblystarynda belsendi júrgizilgeni atap ótildi.
Qorǵanys Mınıstrliginiń basqa memlekettik organdarmen birlesip qurǵan «Jas sarbaz» balalar-jasóspirimder áskerı-patrıottyq qozǵalysynyń oń róli atap ótildi. Atalǵan birlestik sheńberinde jastardy áskerı-patrıottyq tárbıemen, onyń ishinde áskerı-sporttyq is-sharalar ótkizý jolymen qamtý 230 myńnan astam balany quraıdy.
Jalpy, tárbıe jumysy boıynsha qabyldanyp jatqan sharalardyń nátıjesinde 2021 jyly kámeletke tolmaǵandarǵa qatysty qylmystar sanyn 20%-ǵa tómendetýge qol jetkizildi, bul Tujyrymdamanyń mańyzdy nysanaly ındıkatorlarynyń biri bolyp tabylady.
Halyqaralyq yntymaqtastyqty keńeıtý sheńberinde Syrtqy ister mınıstrliginiń genderlik kún tártibinde búgingi Qazaqstan úshin ózekti áıelderdiń ekonomıkalyq quqyqtary men múmkindikterin keńeıtý, áıelderge qatysty zorlyq-zombylyqty joıý, ulttyq josparlaý jáne bıýdjetteý máseleleri boıynsha kúsh-jigerdi qoldaıtyny atap ótildi.
Otyrys sońynda Lazzat Ramazanova kún tártibin qorytyndylaı kele, otbasyndaǵy qolaısyzdyqtyń negizgi sebepteri bolyp jumyssyzdyq, turǵyn úıdiń bolmaýy, otbasyndaǵy zorlyq-zombylyq, sozylmaly jáne narkologııalyq aýrýlar, basqa da materıaldyq problemalar sııaqty áleýmettik faktorlar áli de oryn alyp otyrǵanyn aıtty. Osyǵan baılanysty Ulttyq komıssııa tóraıymy jergilikti atqarýshy organdardyń qıyn jaǵdaıdaǵy otbasylardy anyqtaý jáne esepke alý, aldyn alý sharalaryn júrgizýde tyǵyz ózara baılanysta bolýy jáne basqa máseleler boıynsha memlekettik organdarǵa birqatar naqty tapsyrmalar berdi