Lázzat Ibragımova qarjy jınaýdyń tıimdi tásilin aıtty

NUR-SULTAN. QazAqparat – Bala depozıti – balalardyń bolashaǵy úshin qarjy salýdyń eń senimdi quraldarynyń biri. Ortalyq kommýnıkatsııalar alańynda ótken baspasóz máslıhatynda «Otbasy bank» AQ tóraǵasy Lázzat Ibragımova osylaı dedi, dep habarlaıdy QazAqparat tilshisi.

«Eger bala kámelet jasqa tolmasa, onda ol óziniń zeınetaqy jınaǵyn paıdalana almaıdy. Sol úshin balalarǵa arnalǵan depozıt ashýdyń mańyzy zor. Bizdiń «Otbasy bankte» 180 myńnan astam bala depozıti bar. «Arnaý depozıti» dep atalatyn arnaıy tarıftik baǵdarlama jumys istep tur. Eger siz 7-8 jyldan astam ýaqyt aqsha jınap júrseńiz, sizde arnaıy tarıf, nesıe mólsherlemesi bolyp, jyldyq úsh paıyz qosylyp otyrady», - dep túsindirdi Lázzat Ibragımova.

Onyń aıtýynsha bala depozıtinen aqsha alý kúrdeli sharýa.

«Ony alý úshin Qamqorlyq organdarynan odan basqa mekemelerden de ruqsat kerek. Sol sebepti bul - balalardyń bolashaǵyna salym salýdyń eń senimdi quraldarynyń biri. Bárin de aqsha jınaýǵa shaqyramyn», - dedi ol.