Laýreýs syılyǵy Messıdiń sońǵy marapaty bolýy múmkin be

<p>ASTANA. KAZINFORM - Jyldyń úzdik sportshysyna beriletin Laureus World Sports Awards syılyǵyna úmitkerlerdiń esimi belgili boldy. &nbsp;</p>

Bul marapatqa tennısshi Novak Djokovıch, Lıonel Messı (fýtbol), Maks Ferstappen (Formýla-1), Mondo Dıýplantıs (jeńil atletıka), Erlıng Holand (fýtbol) jáne Noa Laıls (jeńil atletıka) úmitker retinde tirkeldi.

2023 jyly Laýreýs syılyǵyn Lıonel Messı, 2022 jyly Maks Verstappen, 2021 jyly Rafael Nadal jeńip alǵan bolatyn. Al bul syılyqty kóp alǵan sportshy – Rodjer Federer (4 ret).

Eske sala keteıik, 2023 jyly Laureus syılyǵyna úmitkerlerdiń qatarynda qazaqstandyq tennısshi Elena Rybakına da boldy. Ol «Jyl serpilisi» atalymynda baq synady. Otandastarymyzdyń ókinishine qaraı, bul atalym ıspandyq tennısshi Karlos Alkarasqa buıyrǵan edi. Dese de, Rybakına Qazaqstan sportynyń tarıhynda bul júldege úmitker bolǵan tuńǵysh qazaqstandyq retinde tirkeldi.

2024 jylǵy Laureus World Sports Awards marapattaý rásimi 22 sáýirde Ispanııa astanasy Madrıdte ótedi.

Laureus World Sports Awards – jyl qorytyndysy boıynsha úzdik dep tanylǵan sportshylardy yntalandyratyn marapat. Júlde 1999 jyldan beri tabystalyp keledi.

Jeńimpazdy tańdaý eki kezeńnen turady. Alǵashqyda 80-ge jýyq eldiń úzdik sport redaktorlary, jazýshylar men kommentatorlardan turatyn irikteý komıssııasy daýys berip, 6 sanat boıynsha úzdikterdi irikteıdi. Daýys berý barysyn «PricewaterhouseCoopers» JShS táýelsiz aýdıtorlary baqylaıdy. Keıin Laureus World Sports Academy músheleri jasyryn daýys berý arqyly jeńimpazdardy anyqtaıdy.