Latynǵa kóshý - bolashaq urpaq aldyndaǵy boryshymyz - atyraýlyq zııaly qaýym ókilderi

ASTANA. QazAqparat - Atyraýda ǵylymı-shyǵarmashylyq zııaly qaýym ókilderi qatysqan məjilis ótti, onda qazaq alfavıtiniń kırıllıtsadan latynǵa aýysý məselesi aıtyldy, dep habarlaıdy Atyraý oblystyq óńirlik kommýnıkatsııa qyzmeti. 

Məjilis qorytyndysy boıynsha memleket basshysynyń atyna qazaq alfavıtiniń latynǵa aýysýy týraly bastamany qoldaıtyndary aıtylǵan jedelhat daıyndaldy.

«Latyn əlipbıine kóshý məselesi qoǵamdy birazdan beri tolǵandyryp keledi. Zııaly qaýym men tutas azamattyq qoǵam osy baǵyttaǵy ər qadamǵa aıryqsha nazar aýdardy. Osy taqyryp jaıly talqyladyq jəne qoldaý kórsettik.

Əlemniń seksen paıyzy latyn əlippesimen jazatyn búgingi zamanda, oǵan kóshý bizdiń tilimizdiń bolashaǵyna senimmen qaraýǵa jol ashady. Tarıhı aýqymda bul qadamnyń bizdiń el úshin mańyzdylyǵyn qaıta baǵalaý ońaıǵa soqpaıdy. Elbasynyń tapsyrmasyna səıkes ǵalymdarymyz bizdiń alfavıtti jasaý boıynsha qazaq tiliniń ereksheligin, jazý men basqa da mańyzdy aspektilerin eskere otyryp úlken jumys atqardy. Siz jahandaný jaǵdaıynda joıylyp ketpeý úshin halyq zamanaýı tehnologııalardy paıdalanyp, kúndelikti turmysqa engizip, bilimi úshin qoldanýy kerek ekenin, damýdyń kilti osynda ekenin aıttyńyz. Latyn alfavıti osy jolda altyn qazyq bolary sózsiz. Bul bizdiń bolashaq urpaq aldyndaǵy boryshymyz. Biz bərimiz birge jańa bıikterdi baǵyndyramyz», - delingen hat mətininde.

Jıynǵa fılologııa ǵylymdarynyń doktory, professor Qadir Júsip, QR Jazýshylar odaǵy Atyraý oblystyq bólimshesiniń tóraǵasy Qoıshyǵul Jylqyshıev, tarıh ǵylymdarynyń doktory, professor Əbilseıit Muqtar, «Qazaq tili» qoǵamy oblystyq bólimshesiniń tóraǵasy  Əbilhan Tóleýishov, «Aıaz bı» qoǵamdyq qorynyń tóraǵasy Jeńis Aronov syndy óńirge belgili zııaly qaýym ókilderi qatysty.