Latyn qarpindegi qazaq álipbıine ótý arqyly jańa tehnologııany meńgeremiz – Vladımır Chepel

NUR-SULTAN. QazAqparat – Latyn qarpindegi qazaq álipbıine ótý – jańa tehnologııalardy ıgerýge kómektesip, oǵan qosa aǵylshyn tilin meńgerýge de kómegin tıgizedi. Almaty oblysy Aqsý aýdany Qapal aýyldyq okrýg ákimdiginiń bas mamany Vladımır Chepel osyndaı pikir bildirdi, dep habarlaıdy QazAqparat tilshisi.

«Taıaýda Memleket basshysy latyn qarpindegi qazaq álipbıine ótýdiń mańyzyn taǵy bir da ret túsindirip ótti. ıAǵnı biz mindetti túrde álipbıdi qaıtadan ózgertýimiz kerek. Árıne jańa álipbıge kóshý – úlken qadam. Ol úshin aldymen qazaq tilin tolyq meńgerip alý kerek. Jalpy qazaq tilin oqytatyn materıaldar men maqalalardyń azdyǵyn baıqaımyn. Máselen, pedagogtar qazaq tili páni boıynsha qaıta daıarlaý kýrsynan ótip jatyr. Latyn qarpindegi qazaq álipbıine kóshý – olarǵa ońaı bolmaıtyny anyq. Bárin qaıtadan zertteýge týra keledi. Biraq óskeleń urpaqqa bul kúrdeli is emes. Olar jańa baǵdarlama boıynsha oqýdy bastaıdy», - dep esepteıdi Vladımır Chepel.

Onyń aıtýynsha, latyn qarpindegi qazaq álipbıine ótý arqyly jańa tehnologııalardy meńgerý múmkindigi arta túsedi.

«Kompıýter men uıaly telefondardy jasap shyǵaratyn memleketter eýropalyq baǵytqa beıimdelgen. Qazir búkil álemde qurylǵyny paıdalaný nusqaýlyǵy aǵylshyn tilinde jazylady. Meniń oıymsha, latyn qarpindegi qazaq álipbıine kóshý arqyly aǵylshyn tilin úırený múmkindigin de arttyramyz. Azamattar tildi ońaıyraq meńgerip, tildi zertteı bastaıdy», - deıdi Vladımır Chepel.

Eske sala ketsek, ótken aıda Prezıdent Qasym-Jomart Toqaev qazaq tili álipbıin latyn grafıkasyna kóshirý máselesi boıynsha keńes ótkizgen bolatyn. Jıynda Memleket basshysy keńeste qaralǵan máseleler boıynsha birqatar tapsyrmalar berdi.

Atap aıtqanda, álipbı jobasy ǵalymdarmen birge tolyq zerdelenip, Úkimet janyndaǵy Qazaq tili álipbıin latyn grafıkasyna kóshirý jónindegi Ulttyq komıssııanyń kezekti otyrysynyń qaraýyna engizýdi tapsyrdy.