Latyn qarpindegi álipbıdiń jańa jobasy halyqtyń meńgerýine qolaıly - Nurkeeva

ASTANA. QazAqparat - Elbasy Nursultan Nazarbaevqa usynylǵan latyn qarpindegi álipbı jobasynda qazaq tiliniń úndestik zańdary eskerilgen. Bul týraly jańa álipbı jobasyna qatysty pikir bildirgen «Sotsıým-zertteý» qoǵamdyq birlestiginiń tóraıymy Altynaı Nurkeeva málim etti.

«Qazaq tilin latyn qarpindegi álipbıge kóshirý qalyń kópshiliktiń qyzý talqysyna salynǵan ıgilikti bastamaǵa aınaldy. Osy kúnge deıin baspasóz betterinde qarapaıym halyqtan bastap, lıngvıst-ǵalymdarǵa deıin óz pikiri men usynystaryn jetkizip keledi. Kóptegen jobalarmen tanys boldyq», - deıdi ol.

Altynaı Nurkeevanyń pikirinshe, keshe Elbasy Nursultan Nazarbaevqa usynylǵan joba qarapaıym halyqtyń uǵynýy men meńgerýine qolaıly.

«Keshe Elbasymyzǵa usynylǵan joba - qarapaıym halyqtyń uǵynýy men meńgerýine qolaıly, qazaq tiliniń dybystyq úndestik zańdaryn eskergen nusqa dep bilemin. Sondyqtan osy joba qabyldansa degen usynysymdy bildiremin», - dep atap ótti qoǵamdyq birlestik tóraıymy.