Latyn Amerıkasy men Karıb elderinen 137 qazaqstandyq elge oraldy

NUR-SULTAN. QazAqparat - Koronavırýs ınfektsııasynyń taralýyna baılanysty Qazaqstannyń Meksıkadaǵy elshiligi Latyn Amerıkasy men Karıb basseıni elderinen otandastarymyzdyń elge oralýyna kómek kórsetti, dep habarlaıdy QazAqparat QR SІM resmı ókili Aıbek Smadııarovqa silteme jasap.

Osylaısha, 13-25 naýryz aralyǵynda 127 qazaqstandyq Domınıkan Respýblıkasynan, 4-i Meksıkadan, 3-i Panamadan jáne 3-i Kosta-Rıkadan oralǵan.

«Atalǵan memleketter halyqaralyq áýe qatynastardy toqtatý men shetel azamattaryna halyqaralyq áýejaılardaǵy tranzıttik aımaqtardan shyǵýǵa tyıym salýlaryna baılanysty birqatar qıyndyqtar oryn alǵan bolatyn. Osy kedergilerge qaramastan Mehıko men Máskeýdegi bizdiń dıplomattarymyzdyń úılesimdi áreketteriniń arqasynda kóptegen QR azamattaryn Máskeý arqyly tranzıtpen Qazaqstanǵa aman-esen jetkizý jumysy sátti uıymdastyryldy», - dep habarlaıdy Aıbek Smadııarov.

Qaıtyp oralǵan azamattar Meksıkadaǵy Qazaqstan elshiliginiń qyzmetkerlerine olardyń máselelerin jáne týyndaǵan qıyndyqtardy sheshýde táýlik boıy kómek kórsetkeni úshin úlken alǵys bildirýde.