Latyn álipbıine kóshýde tereń taldaý jasap, sheshim qabyldaǵan abzal - Toqaev

ULYTAÝ. QazAqparat – Latyn álipbıine kóshýde jan-jaqty, tereń taldaý jasap baryp, túbegeıli sheshim qabyldaǵan abzal. Bul týraly Ulytaý oblysynda ótip jatqan Ulttyq quryltaıdyń otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Tilge baılanysty taǵy bir mańyzdy másele. Bul – latyn álipbıine kóshý týraly. Keıbir qoǵam ókilderi biz áli kúnge deıin kırıllıtsadan aryla almaı jatyrmyz dep, alańdaýshylyq bildirýde. Biraq, eń aldymen, bul lıngvıstıkalyq turǵydan óte kúrdeli másele. Osyny jaqsy túsingen jón», - dedi Qasym-Jomart Toqaev.

Osy oraıda Prezıdent buǵan deıin biz 2 ret latyn grafıkasyna kóshýge tyrysqanymyzdy eske saldy.

«Alaıda, sońy sátti bolǵan joq. Sondyqtan, bul máselege jan-jaqty, tereń taldaý jasap baryp, túbegeıli sheshim qabyldaǵan abzal. Kırıllıtsadan latyn álipbıine jasandy túrde, tek sáıkes áripterdi ózgertý arqyly kóshýge bolmaıdy. Áıtpese, bul úlken qatelikke aparyp soǵady. Eń bastysy, azamattar, ásirese, jastarymyz qazaq tilindegi barlyq sózderdiń latyn grafıkasyndaǵy jazylý tártibin anyq bilýi kerek. ıAǵnı, tilimizge arnalǵan orfografııalyq qaǵıdalardy qaıta qaraǵan jón», - dedi Memleket basshysy.