Latyn álipbıine kóshý túrki tildes baýyrlarmen tolyq yntymaqtastyq ornatýmen teń - Serik Qırabaev
Almatylyq zııaly qaýym «Rýhanı jańǵyrý» baǵdarlamasyaıasynda qazaq tilin latyn álipbıine kóshirýge qatysty pikirlerin bildirdi. Akademık Serik Qırabaev túrki halyqtarynyń mádenıeti, sózdik quramy latyn álipbıinde jazylǵandyqtan, olardy zertteýde ońaıǵa túsedi degen pikir aıtty.
«Túp negizinde latyn álipbıine kóshý - túrki tildes baýyrlarmen tolyq yntymaqtastyq ornatýmen teń. Negizi buryn bizde latyn álipbıinde jazyp, oqyǵanbyz. Sol kezde jazylǵan qanshama jádigerler zerttelmeı nemese aýdarmanyń arqasynda óz qundylyǵyn joǵaltyp aldy emes pe?!
Máńgi el bolamyz desek, onda biz máńgi qalatyn tilimizdi, álipbıimizdi jasaýymyz kerek. Bul jumysty óte muqııat jáne qoǵammen sanasa otyryp júrgizsek, jaqyn arada nátıjesine jetemiz dep oılaımyn», - dedi QRUǴA akademıgi Serik Qırabaev.
Aıta keteıik, QR Prezıdenti Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasyn júzege asyrý aıasynda Parlament tyńdaýynda qazaq tiliniń latyn grafıkasyndaǵy álipbı jobasy usynylǵan bolatyn.